मल कारखाना खोले पनि कच्चा पदार्थमा भारतकै भर

४ चैत, काठमाडौं । आइतबार अर्थमन्त्री विष्णुप्रसाद पौडेल संयोजकत्वको कार्यदलले प्रधानमन्त्री केपी शर्मा ओलीलाई नेपालमा रासायनिक मल कारखाना खोल्न सकिने आशयको प्रतिवेदन पेश गर्‍यो ।

उद्योग वाणिज्य तथा आपूर्ति मन्त्री लेखराज भट्ट, कृषि तथा पशुपन्छी विकास मन्त्री पद्माकुमारी अर्याल सदस्य रहेको कार्यदलले भारतबाट प्राकृतिक ग्याँस आयात गरेर नेपालमा मल कारखाना खोल्न सकिने प्रतिवेदन प्रधानमन्त्रीलाई बुझाएको हो ।