एयरपोर्टमा खस्यो नायिका जुही चावलाको हिराको झुम्का, भेट्नेलाई दिनेछिन् इनाम

नायिका जुही चावलाले आफ्नो हिराको झुम्का एयरपोर्टमा हराएको ट्वीटरमार्फत् जानकारी दिइन् ।

जुहीले आफ्नो यो झुम्का भेटाउने व्यक्तिलाई उचित इनाम दिने घोषणा पनि गरिसकेकी छिन् ।

जुहीले आफ्नो ट्वीटमा भनेकी छिन्, ‘बिहान म मुम्बई एयरपोर्टको गेट नम्बर ८ मा जाँदै थिएँ । इमिरेट्स काउन्टमा मैले चेक इन गरेँ, सेक्युरिटी चेक भयो तर बीचमा कतै मेरो हिराको झुम्का खस्यो ।

जुहीले थपिन्, ‘यदि कसैले मेरो मद्दत गर्न सक्नुभयो भने मलाई निकै खुसी लाग्नेछ । तपाईंले प्रहरीले खबर गरिदिनुहोस्, म तपाईंलाई इनाम दिनेछु । यो मेरो म्याचिङ पिस हो जसलाई मैले विगत १५ वर्षदेखि लगातार लगाइरहेकी छु । कृपया खोज्न मेरो मद्दत गर्नुहोस् ।’

यो लामो पोस्टसमा जुहीले उक्त हिराको झुम्काको फोटो पनि सेयर गरेकी छिन् ।