ओलीको सन्देश लिएर खुमलटार पुगे विष्णु पौडेल

पछिल्लो समय देखिएको विवाद समाधान गर्ने हेतुले नेकपा अध्यक्ष तथा प्रधानमन्त्री केपी शर्मा ओलीको सन्देश लिएर अर्का अध्यक्ष पुष्पकमल दाहाल प्रचण्डलाई नेकपा महासचिव तथा अर्थमन्त्री विष्णु पौडेलले भेटघाट गरेका छन् ।

प्रचण्ड निवास खुमलटारमा आज विहान यो भेट भएको प्रचण्डनिकट स्रोतले जनाएको छ ।

यो भेटमा पछिल्ला राजनीतिक घटनाक्रम बारे नै चर्चा भएको बताइएको छ ।

बुधबारका लागि पार्टीका स्थायी समितिका सदस्यहरुले बैठक बोलाए पनि यसलाई सार्नु पर्ने पक्षमा प्रधानमन्त्री तथा नेकपा अध्यक्ष केपी शर्मा ओली रहेका छन् । तर, यो बैठक बस्नु पर्ने पक्षमा प्रचण्डपक्षका नेताहरु छन् ।

एकअर्कासँग आरोप प्रत्यारोपमा लागेका दुई अध्यक्षले यो विवाद समाधान गर्न भन्दा आआफ्ना अडानमा आफूहरुलाई कायम राखेका छन् ।