झापाको एउटै गाउँपालिकाका थप २७ जनामा कोरोना पुष्टि : सं,क्रमितको संख्या १०७ पुग्यो

राधा खनाल/झापा : झापामा थप २७ जनामा कोरोना भा,इरस (कोभिड-१९) सं,क्रमण पुष्टि भएको छ। योसँगै जिल्लामा सं,क्रमितको संख्या १०७ पुगेको छ। शुक्रबार सं,क्रमण देखिएका सबै कचनकवल गाउँपालिकाका हुन्। संक्रमित सबै लकडाउनकै समयमा भारतबाट आएका हुन्।

शुक्रबार कोसी अञ्चल अस्पताल विराटनगरमा गरिएको परीक्षणमा देखिएका २७ सं,क्रमित सबैजना कचनकवलका भएको झापाका सहायक प्रमुख जिल्ला अधिकारी राजकुमार राईले जानकारी दिए।

कचनकवल गाउँपालिकाका ६ वटा क्वारेन्टाइनमा अहिले ३ सय ५० जना छन्। उनीहरु सबै भारत बाटै आएका हुन्।

जिल्ला स्वास्थ्य कार्यालय झापाका कार्यक्रम संयोजक जीवन चम्लागाईका अनुसार सं,क्रमित देखिएकाको स्वास्थ्य अवस्था सामान्य रहेको छ।

यस अघि कचनकवल गाउँपालिकामा भारत बाट आएर क्वारेन्टाइनमा बसेका ७३ जनामा कोरोना सं,क्रमण देखिएको थियो। हाल संक्रमित कोभिड अस्पताल विराटनगर र धरानमा उपचाररत छन्।

क्वारेन्टाइनमा बसेका हालसम्मको तथ्यांकमा पनि मुम्बई र दिल्ली बाट आउनेमा बढी संक्रमण देखिएको गाउँपालिकाका प्रशासकीय अधिकृत दुर्गाप्रसाद पौडेलले जानकारी दिए। -अन्नपूर्ण पोष्ट

Be the first to comment

Leave a Reply

Your email address will not be published.