यूएईमा कोरोना सं क्रमित दुई नेपालीको अवस्था स्थिर, धेरै श्र मिक रोजगारी गुम्ने चि न्तामा

यूएई : यूएईमा कोरोना सङ्क्रमित दुई नेपालीको अवस्था स्थिर रहेको नेपाली दूतावासले जनाएको छ । कोरोना भाइरसको सङ्क्रमण देखिएका दुई नेपालीको उपचार यहाँको सरकारी संयन्त्रले व्यवस्थित रुपमा निःशुल्क गरि रहेकोले अवस्था सामान्य रहेको दूतावासकी उपनियोग प्रमुख तथा प्रवक्ता रीता धितालले जानकारी दिनुभयो ।

दूतावासले कोरोना सङ्क्रमित नेपालीको अवस्थाबारे यहाँको स्वास्थ्य र परराष्ट्र मन्त्रालय मार्फत बुझिरहेको उपनियोग प्रमुख धितालले बताउनु भयो। संक्रमित आफैं परिवारसँग नियमित सम्पर्कमा रहेकाले दुवै नेपालीको पहिचान भने खुलाइएको छैन । यूएईले यहाँ रहे का सबै कुटनीतिक नियोगहरुसँग अनलाइन संवाद गर्ने व्यवस्था गरेको छ ।

यूएईमा कोरोना संक्रमित सबै देशका नागरिकलाई यूएईले आफ्नै नागरिक सरह उपचार गर्ने, तथा सम्बन्धित देशले चाहेमा सम्बन्धित देश फर्काउने लगायतका विषयमा स’म्बन्धित देशका नियोगका प्रतिनिधिसँग छलफल गरिरहेको छ । कोरोना देखिएकालाई तत्काल स्वदेश फर्काउने अवस्था छैन । तर पनि सङ्क्रमणको प्रभाव यूएईमा कार्यरत अरु नेपाली श्रमिकमासमेत पर्न थालेको छ । कतिपय कम्पनीले वार्षिक बिदा लिएका श्रमिकको तालिकामा परिवर्तन गरेका छन् भने कतिपयले बेतलबी बिदामा बस्न आग्रह गरेका छन् ।

वार्षिक बिदा लिन बाँकी रहेकाहरुलाई तल्काल बिदामा बस्न तथा बिदा सकाएर फर्किएकालाई समेत बेतलबी बिदालिन भनिएको दुबईको एक होटलमा कार्यरत धादिङका रमेश थापाले बताउनु भयो। कम्पनीले आफ्नो देशको अवस्था हेरेर घर फर्कन अथवा स्थानीय बिदामा बस्न भनेपछि धेरै श्रमिकको रोजगारी गुम्ने कुराले चिन्तामा परेका छन् ।

खासगरी सेवा प्रदायक क्षेत्रमा काम गर्ने श्रमिकहरु समस्यामा परेका हुन् । होटल, ट्राभल एजेन्सी, सेल्स, सवारी चालक र सुरक्षा गार्डमा काम गर्ने नेपाली श्रमिकहरुमा कोरोनाको असर देखिन्छ । यहाँका स्थानीय सपिङ सेन्टर, मल तथा बजार क्षेत्र सुनसान हुन थालेका छन् । तर बजारमा खाद्य सामाग्री भने नियमित पाइएको छ । उज्यालो अनलाईनमा उमाकान्त पाण्डेले लेख्नुभएको छ ।

Be the first to comment

Leave a Reply

Your email address will not be published.