ओली जस्तो नेता नेपालमा जन्मिएकै छैन : कोमल वली (भिडियोसहित)

नारायणकाजीलाई कुनै पनि हालतमा अर्थमन्त्री बनाउनुहुँदैन्

काठमाडौं । सत्तारुढ दल नेपाल कम्युनिष्ट पार्टी (नेकपा) की नेतृ तथा राष्ट्रियसभा सदस्य कोमल वलीले राष्ट्रियसभाका उम्मेद्धवार बनेका नारायणकाजी श्रेष्ठलाई कुनैपनि हालतमा अर्थमन्त्री बनाउन नहुने तर्क गरेकी छिन् ।

मंगलबार राति प्राईम टाईम्स टेलिभिजनबाट प्रशारण भएको कार्यक्रम ‘जनता जान्न चाहन्छन्’ मा पत्रकार ऋषि धमलासँग कुरा गर्दै उनले यस्तो बताएकी हुन् । उनले वर्तमान अर्थमन्त्री युवराज खतिवडालाई पूनः राष्ट्रियसभाको सदस्यमा दोहोर्याउन सकिने बताए ।

उनले भनिन्,‘सरकारको सिफारिशमा सम्माननीय राष्ट्रपतिले नोमिनेशन गर्ने हो । खतिवडा फेरिपनि अर्थमन्त्री बन्न सक्ने उनको भनाई छ । नारायणकाजी श्रेष्ठ चुनाव हारेको व्यक्ति भएकोले संविधानले नै उहाँलाई मन्त्री बन्न दिँदैन् ।’

नेतृ वलीले पार्टीका बरिष्ठ नेता माधव कुमार नेपालले सरकारको आलोचना गरेको विषयलाई नौलो रुपमा लिन नहुने धारणा राखिन् । उनले भनिन्,”उहाँ बरिष्ठ नेता हो । उहाँले पार्टीलाई डुबाउनेगरि आलोचना त गर्नुहुन्न नि । उहाँले राम्रोको लागि आलोचना गर्नुभएको छ ।”

त्यस्तै कोमल वलीले प्रधानमन्त्री केपी शर्मा ओली बिरामी नभएको जिकिर गरेकी छिन् । उनले नेपालको ईतिहासमा केपी ओलीजस्तो प्रधानमन्त्री मुलुकले कहिल्यैपनि नपाउने जिकिर समेत गरिन् ।

Be the first to comment

Leave a Reply

Your email address will not be published.