भारतलाई भयो चिन्ता,भुटानसँग के चाहन्छ चीन ?

कुनै पनि हालतमा भुटानसँगको सीमाविवाद अन्त्य गर्ने पक्षमा देखिएको छ । दुई देशबीच यसका लागि एएटा सहमति समेत बनेको छ । यसमार्फत चीनले भारतसँग मात्र सीमाविवाद कायम रहेको र भारतीय नेताहरूको हठका कारण सम्झौता गर्न नसकिएको भाक्ष्य स्थापित गर्न खोजेको छ । चीनले तिब्बतसँग जोडिएको ठूलो भूभाग भुटानलाई दिन खोजेको छ र त्यसको साटो रणनीतिक रूपमा महत्त्वपूर्ण दोक्लम राख्न खोजेको छ । दोक्लमलाई भुटानले सुम्पिएमा भारतको सिलिगुडी कोरिडोर खतरामा पर्छ । चीनले सिलिगुडी कोरिडोर नजिक भुटानी क्षेत्रमा सडक र सैन्य प्रतिष्ठानको जाल बुनेको छ । यो क्षेत्र दोक्लम नजिक छ । सन् २०१७ मा भारत र चीनबीच महिनौंसम्म सैन्य तनाव भएको थियो । गलवानमा हिं,सा र लद्दाखमा सीमाका अन्य स्थानमा तनावपछि भारत सतर्क छ । त्यसैले गर्दा भारतीय सेनाले लद्दाखदेखि अरुणाचल प्रदेशसम्म चीन सीमामा आधारभूत संरचना बनाएको छ । ती क्षेत्रहरूमा भारतीय सेनाले माउन्टेन कोर, हलुका तोप, सशस्त्र गाडी र चिसोमा सुरक्षित राख्ने टेन्टहरू तैनाथ गरेको छ । एजेन्सी

कहिलेसम्म सडक छेकेर कार्यक्रम गर्ने ?
–रामबहादुर थापा,बागलुङ, १३ मङ्सिर । सार्वजनिक मञ्च, न सभागृह । बागलुङ सदरमुकाममा सधैँ खड्किने विषय हो यो । खुलास्थल नहुँदा सडक वा चोकमै कार्यक्रम गर्नुपर्ने यहाँको बाध्यता छ । राजनीतिक दलदेखि सङ्घ संस्थासम्मले कहिलेकाहीँ बाटै छेकेर भेला वा सम्मेलन गर्छन् । यस्ता कार्यक्रमले सिधै बजार र यातायात सोवामा असर पार्छ । यसै त साँघुरा सडक र चोकका कारण बागलुङ बजारको सवारी साधनको व्यवस्थापन चुनौतीपूर्ण छ, त्यहीँमाथि बीच सडकमै हुने त्यस्ता कार्यक्रमले यातायात सेवा थप अस्तव्यस्त बन्छ । आम चुनावताका त चोकमा मञ्च नै खडा गरेर विभिन्न दलले सभा गर्दै आएका छन्।

यसै साता भएका नेपाली कांग्रेसको तहगत अधिवेशनमा सडक बन्द भयो । क्षेत्रीय र जिल्ला अधिवेशनका बेला पाँच दिनसम्म यहाँका मुख्य सडक बन्द भएका थिए । गत मङ्गलबार, शनिबार र आइतबार हल्लनचोकदेखि अदालत जाने चोकसम्म सवारीसाधन रोकियो । सडकछेउ रहेको एक पार्टी प्यालेसमा अधिवेशन भएका कारण त्यस क्षेत्रको सडकमा असर परेको हो ।मतदानका दिन पार्टी प्यालेसदेखि चोकसम्मै कांग्रेस नेता, कार्यकर्ताको घुइँचो लागेको थियो । पैदलयात्रीलाई बाटो आउजाउ गर्न पनि कठिन भएको थियोे । त्यसअघि प्रदेश तहको क्षत्रीय अधिवेशनका बेला पनि धवलागिरि चोकदेखि बालमन्दिरसम्मको सडक बन्द हुनुपुगेको थियो । अधिवेशन बालमन्दिर प्राविको परिसरमा भएको थियो ।

मतदानपछि उद्योग वाणिज्य सङ्घको सभाकक्षमा गणना कार्य चलिरहँदा ट्राफिक प्रहरीले लोकतान्त्रिक चोकदेखि गोदामचोकसम्मको सडक बन्द गर्नुप¥यो । यी त प्रतिनिधि उदाहरण मात्र हुन् । सदरमुकाममा ठूलोस्तरका सभा, समारोह आयोजना हुँदाको स्थिति सधँै उही छ । सार्वजनिकस्थलको अभाव छ । ठूलो सङ्ख्यामा मानिस अटाउने सभाकक्ष छैनन् । होटल वा पार्टी प्यालेसमा भएका कक्षको क्षमता कम छ । सडक अवरुद्ध गरेर कार्यक्रम गर्न नपाइने भए पनि व्यावहारिकता हेरेर छोड्नु परेको जिल्ला ट्राफिक प्रहरी कार्यालयका प्रमुख बद्रीनाथ शर्माले बताउनुभयो । “खास त नमिल्ने हो तर हामीलाई पनि बाध्यता छ, कहिलेकाहीँ व्यवहारिकता हेरिदिनुपर्ने हुन्छ”, उहाँले भन्नुभयो, “खुला सार्वजनिकस्थल र ठूलो सभागृह भएका भए यो समस्या पक्कै आउने थिएन ।”

सडक नै रोकिने गरी कार्यक्रम हुँदा केही कठिनाइ हुने गरे पनि जेनतेन यातायात व्यवस्थापन गर्ने गरिएको उहाँको भनाइ थियो । प्रमुख शर्माले यो स्थिति दोहोरिन नदिन सम्बद्ध पक्षको ध्यानाकर्षण गराउने र ट्राफिक प्रहरी आफँैले पनि सक्दो प्रयास गर्ने बताउनुभयो ।स्थानीय तह, जिल्लाको प्रशासनिक निकाय, राजनीतिक दललगायत सरोकार भएका पक्षले यसबारे सोचेर विकल्प खोज्न ढिलो भइसकेको बागलुङ उद्योग वाणिज्य सङ्घका अध्यक्ष युवराज राजभण्डारीले बताउनुभयो ।

“विशेष गरी बागलुङ नगरपालिकाले यस विषयमा पहल गर्नुपर्छ, सिटी हल बनाउने योजना ल्याइए पनि त्यो कार्यान्वयनमा आउन सकेन”, उहाँले भन्नुभयो, “सार्वजनिकस्थल नभएकाले यस वर्ष बागलुङ महोत्सव पनि नगर्ने मनिस्थितिमा हामी पुगेका छौँ ।”सङ्घले यसअघिका केही महोत्सव शुल्क तिरेर धवलागिरि क्याम्पसको चौरमा गरेको थियो । पहिले पहिले राजनीतिक दलका आमसभा पनि सोही क्याम्पसको मञ्चमा हुने गथ्र्यो । पछि बाहिरी कार्यक्रमलाई क्याम्पसले रोक लगाएको थियो ।

अध्यक्ष राजभण्डारीले बाङ्गेचौर, चिप्लेटी बसपार्क, गोदामघरलगायत ठाउँमा सिटीहल बनाउन सकिने बताउनुभयो । शहरोउन्मुख बागलुङ बजारमा अहिलेसम्म एउटै व्यवस्थित सभागृह छैन । मूल सडक र चोकमै कार्यक्रम भइदिँदाको मर्का व्यवसायी माथि पनि छ । कतिपय टोलले सडकमा कार्यक्रम गर्न रोक लगाउन खोजे पनि त्यसको कडाइपूर्वक पालना हुन सकेको छैन । जग्गा व्यवस्थापन गर्न नसक्दा सिटीहल बनाउने बागलुङ नगरपालिकाको योजना अझै अधुरो छ । त्यसका लागि सरकारबाट वर्षेनी छुट्याइएको बजेट फिर्ता हुने गरेको छ । सिटीहल निर्माणमा जनप्रतिनिधि अक्षम देखिएको सर्वसाधारणको आरोप छ ।